ONCE IN HER GOLDEN YEAR

San pa nga ba magandang simulan ang taon kundi sa bertdey ng nanay ko. 50 na siya ngayon. Limang dekada na siyang humihinga dito sa mundo. Kalahating siglo ng nabubuhay sa mundo. In short, siya ngayong araw na ito ay golden girl.

Bukod sa  milestone na ang pag-abot niya ng 50, minsan sa isang taon lang naman siya magbertdey at maghanda kaya binigay na namin ang araw niya. Lagi lang naman kasi siya mag-isa pag me pasok kaya di rin naman nakakalabas at nakikita mga kamag-anak niya.

Simulan natin sa regalo ko sa kanya na kabibe na galing Pagudpud. Nagustuhan niya nung una pero hindi ko alam kung tanggap niya kasi nalaman niyang binili ko pa iyon galing Pagudpud. At hindi ako nagpaalam nung pumunta ako doon.

Wehehe.

Bukod sa happy birthday, ano pa ba ang magandang ipatugtog sa party? Siyempre dapat yung napapanahon at nababagay sa may birthday.

Birthday Sex by Jeremih. Para maganda ang pasok ng taon para sa kanyang sex life.hehe

Siyempre, birthday = pagkain. Meron Blue Marlin, Lechon bigay ni tito Edgar, Embotido, Inihaw na tilapia, Kare-kare, at siyempre, specialty ni ate Aga, ang malupet na lumpiang ubod.hehe. Para sa merienda, spaghetti at kwek-kwek.hehe. Mawawala ba naman ang paborito ng may-birthday? Siyempre may Coke. Sakto pa.hehe.

Akala ata ng nanay ko, 7th birthday niya. Gusto niya ng short program, ng games. Nagkaroon ng singing contest since may videoke. Tapos, pinilit yung naisip kong laro na hango sa Facebook: How well do you know Lydia?
1st question: Sino ang pers boypren ng nanay ko? (nakalimutan ko pangalan niya)
2nd question: Kung siya ang pers boypren niya, kelan naging sila? (high school pa raw. aba, 4th year college na nga ko ngayon ayaw pa niya ko magka-gerpren.)
3rd question: Kelan sila ikinasal ng tatay ko? (aba, sinita ba naman yung nag-flower girl nun. Dapat daw alam niya.haha)
at ang last at pinakacrucial na tanong...
4th question: ano ang timbang niya ngayon? (210 lbs. sino nakasagot? tito kong nagbebenta ng karne.haha)

Magkano premyo? Siyempre, dahil 50 na siya, 50 pesos.hehe

Habang nagliligpit na, tinanong ko siya: Ma, ilan naging boypren mo? Sabi niya, "Secret!hihi" sabay hagikgik. Sabi ko, "ay, ang landi." Sagot ba naman niya, "Hindi ako lumandi. Nagmahal lang ako.haha"

Nakakapagod pero masaya naman. At alam kong masaya naman nanay ko kahit pagod siya at gumastos.hehe.

Happy birthday Ma! I love you. kahit dito lang masabi ko.hehe.