LABOPMAYLAYP

Hmm. Ewan ko ba kung ano ito. Senti mode ata na parang hindi.

Nakakundisyon na sana ako gumala uleh. Pag naman ako gumala, hindi talaga ko nagpapaalam. At hindi rin nila nalalaman iyon. Maghihike na naman sana ko. Sa Batangas sana destinasyon ko sa May 9-10. Excited na pa man din ako nun April pa. Reading-ready na pa man din ako. Pero nagbago isip ko kanina. Hindi na ako tutuloy. Naalala ko kasi Mothers' Day pala sa May 10.

Kung tutuusin pwede ko naman ituloy kung gusto ko. Pero parang ayaw ko na. Mothers' Day is Sunday, and Sunday is Family Day. Ganito ako pag pamilya na usapan. Pag me lakad pamilya, yun lang talaga. Ewan, kahit pag Sunday, hirap ako makipagcommit sa ibang tao kahit na isang sabi ko lang papayagan naman ako. Nakakatuwa lang, kahit di ako ganun kaopen sa kanila, close pa rin ako sa kanila. Labo?hehe.

Hindi na ako ganun kaexpressive sa nanay ko gaya nung bata pa ako. Kinikiss ko pa kasi siya nun at niyayakap. Hindi na ko ganun ngayon. Hirap pa nga ko mag "I love you" sa kanya ngayon (pero pag sa chicks niyan, napakadali). Pero pag mga ganyang okasyon gaya ng Mother's Day, o kahit ang ordinaryong araw ng Sunday, sinisiguro kong nakareserve na sa kanya. Napapansin kaya niya pagpapahalaga kong ganun? Ewan, di ko talaga kaya iparamdan sa kanya ng buo yung love and care ko para sa kanya. Iyon nga ata ang epekto pag binubuli ka na Mama's boy nung bata ka pa.


                                                                                                                        Happy Mothers' Day to the labopmaylayp.